പുഴയിൽ ഒഴുക്കിൽപ്പെട്ട് കാണാതായ അഞ്ച് യുവാക്കൾ മരിച്ചു

വാൽപ്പാറയിൽ പുഴയിൽ ഒഴുക്കിൽപ്പെട്ട് കാണാതായ അഞ്ച് യുവാക്കൾ മരിച്ചു. ഷോളയാർ എസ്റ്റേറ്റിലെ പുഴയിൽ കുളിക്കുന്നതിനിടെയാണ് യുവാക്കൾ അപകടത്തിൽപ്പെട്ടത്.

കോയമ്ബത്തൂർ ഉക്കടം സ്വദേശികളാണിവർ.അജയ്, റാഫേൽ, ശരത്, വിനീത്, ധനുഷ് എന്നിവരാണ് മരിച്ചത്. ഇവരുടെ മൃതദേഹങ്ങൾ കണ്ടെത്തി. വൈകിട്ട് 4.30 ഓടെയാണ് ഇവർ എസ്റ്റേറ്റിൽ എത്തി കുളിക്കാനിറങ്ങിയത്. ഒരാൾ ഒഴുക്കിൽപ്പെട്ടപ്പോൾ ബാക്കിയുള്ളവർ രക്ഷിക്കാൻ ശ്രമിക്കുന്നതിടെയാണ് ദാരുണമായ അപകടം സംഭവിച്ചതെന്നാണ് വിവരം. മൃതദേഹങ്ങൾ ആശുപതിയിലേക്ക് മാറ്റി