താമരശ്ശേരി: ഗ്രാമപഞ്ചായത്ത് രണ്ടാം വാർഡ് വട്ട്ക്കൊരുവിൽ പഞ്ചായത്തിൻറെ അധീനതയിലുള്ള സ്ഥലത്ത് നിർദേശിച്ച സബ്ജയിൽ പ്രദേശത്ത് നടപ്പിലാക്കുന്നത് നിന്ന് പിൻമാറണമെന്ന് രണ്ടാം വാർഡ് ഗ്രാമസഭ ഐക്യകണ്ഠേന പ്രമേയം പാസാക്കി. ജനങ്ങൾ തിങ്ങിപ്പാർക്കുന്ന പ്രകൃതിരമണീയമായ ഈ സ്ഥലത്ത് ജനങ്ങൾക്ക് ഉപകരിക്കുന്ന മറ്റു പദ്ധതികൾ ആസൂത്രണം ചെയ്യണമെന്നും ഗ്രാമസഭയിൽ നിർദേശം ഉയർന്നു. വയോജനങ്ങക്കും കുട്ടികൾക്കുമായുള്ള പാർക്ക്, ഓപ്പൺ ജിം തുടങ്ങിയ പദ്ധതികൾക്കായി ഗ്രാമ പഞ്ചായത്തിനെയും എംഎൽഎയും സമീപിക്കുമെന്ന് വാർഡ് മെമ്പർ ആയിഷ മുഹമ്മദ് പറഞ്ഞു.
